Feb 9, 2013

vroegoggend brood

Dit is 8-uur, en ek is al vier ure wakker. Het in die reën gery Boeremark toe vanoggend, in die modder rondgeplons met pakkies en pakkies tamaties en rooirissies vir 'n helse klomp panzanella, 5 liter melk en room vir ricotta en roomys, en 'n bossie rosies. Nou is ek is besig om brood te bak. Ligte brioche rolletjies, vir ete vanaand. J is in Engeland vir 'n paar dae, vir werk*, en ek het 'n paar mense oorgenooi vir tuisgemaakte KFC rounders. Buiten die brioche is daar dus hoenderborsies wat nou in 'n soutbad gaan lê en sappig word vir later se diepbraai. Ek het geen idee wat poeding gaan wees nie – die oorspronklike plan was om hierdie aarbeikoek te bak, maar my aarbeitannie was nie vanoggend by die mark nie. Enige gedagtes?


*Hy beter jul nog iewers vertel van die feit dat hy 'n fabulous werk gekry het hier, en van die bier wat hy deesdae brou, dalk volgende week? Die hoop beskaam nie.

1 comments:

dinkbeest said...

Hierdie bourbon-poached peaches was hemels, dalk met daai roomys wat jy wou maak?

http://www.marthastewart.com/357209/bourbon-poached-peaches

Of dié, dit is ook werklik lekker:
http://joannagoddard.blogspot.com/2012/02/best-chocolate-ice-cream-youll-ever.html