Feb 21, 2013

blomkool op 'n koue dag

Soms reën dit hier in Arkadia. Nie so dikwels soos ons graag wil hê dit moet nie. Maar as dit gebeur dat dit vir 'n paar dae aanmekaar reën, soos 'n rukkie terug die geval was, is hierdie wat ek wil eet – blomkool met 'n klein bietjie witsous en heelwat beleë cheddar, à la Rachel. Die res van die dag bestaan uit die netelige taak van houtvloere was, my ou vriend Edward-John Bottomley se Poor White lees, en dink aan wat om te meng met rabarber-gin.

0 comments: