Apr 1, 2011

karpatka


Vanaand eet ek vir 'n slag by iemand anders se huis.  Nuwe vriende, gemaak via my vriendin Hanli, met die mees beautiful Frank Lloyd Wright-styl huis vol pragtige kuns en cute kinders, 'n laaang eetkamertafel en twee reusagtige groot vintage stowe.  Hoe bly ek al amper tien jaar in hierdie stad en maak nou eers kennis met hierdie mense?  Seker eerder laat as nooit.

Ek verskaf die poeding vir die aand se verrigtinge.  En ons gaan karpatka eet.  Ja, die einste karpatka waaroor ek al 'n paar keer geskryf het, die elusive resep wat ek weer en weer probeer vervolmaak.  Vandag se inkarnasie het 'n verskil – J het vir my 'n kitsweergawe van die karpatkavulsel in 'n Poolse winkel in Southampton opgespoor, en my oggend is spandeer aan die pakkie se Poolse aanwysings via Google Translate ontsyfer.  Dit lees as volg:


1.  From here, 5 liters of milk to a high field transfuse dish and stir in the contents of the bag. Mieko boil as other.

2.  Disclose it milk from the heat, pour in cream and distributed to boil stirring constantly. Mase pour cream into a bowl and leave to cool.

3.  Mass of cold cream mix, adding to it gradually 200g softened butter or margarine.



Heerlik.  Uiteindelik het ek maar net die mees logiese roete gevolg en gehoop vir die beste.  Die mengsel is tans in die yskas, nadat ek 'n eie stap 4 ingeglip het deur styfgeklopte room by die verkilde mengsel in te vou, vir 'n romeriger smaak.  En die eindproduk is, o my siel, die naaste aan die van die karpatkatannie wat ek nog gemaak het.  Dis verruklik.  Ek mag dalk net met 'n tas vol klaarverpakte karpatkavulsels terugkom van Engeland af later die jaar.

5 comments:

Anna F said...

interessante woordkeuse.. 'cute' kinders.. miskien verklap my kommentaar maar net die fase van my lewe..

jvdh said...

Net omdat dit uit 'n pakkie kom beteken nie dis nutritional slumming nie.

arcadia said...

Anna: Nie alle kinders is cute nie, net 'n paar.

Jvdh: Jy laat nutritional slumming na 'n negatiewe term klink. Ek is mal oor nutritional slumming. ;-)

Marie said...

Baie snaaks, die aanwysings!

Inderdaad daar is cute en on-cute :-)

Jou karpatka crusade klink soos Vince s'n met 'flan'. Die search will never be over, but heaven is within reach.

Hanli said...

En uit verre oorde is 'n sekere Hanli jaloersie. Maar dan sê sy vir haarself: spread the love.