Dec 21, 2010

Maak vol daardie koekieblikke! Dis Kersfees in Arcadia. Deel 4: Zimtsterne en Sjokoladekoekies

Het jy al begin bak?  Is jou koekieblikke verlos van 'n eensame lewe agter in die kas?  Ek hoop so.  Indien nie, waarvoor wag jy?  Krismis kom 'ok. 

Daar wag tans not twee tipes koekies wat  uitgedeel moet word.  Die eerste is zimtsterne, oftewel Oostenrykse kaneelkoekies.  Ek het dit vir die eerste keer raakgelees in 'n Joodse kookboek van my, en dit was deel van ons Christmas in July spyskaart gewees, jare terug.  Daar's geen meel in die resep nie, net baie fyn amandels, eierwit, en versiersuiker.  En natuurlik kaneel.  Jy rol die deeg uit, druk sterretjies uit, en versier dit met 'n bietjie van die meringuemengsel waarmee jy vroëer besig was, voor jy dit bak.  Intussen probeer J my leer hoe om die woord zimtsterne reg uit te spreek.  Dis moeiliker as wat jul dink.

Die tweede baksel is sjokoladekoekies met stukkies donkersjokolade en macadamianeute.  (Onthou jul wat ek gesê het oor kort-kort winkel toe moet hardloop vir nog neute?  Ek was ernstig.)  Hul lyk veral beautiful in 'n groot glasbottel, met 'n rooi strik omgebind. 

Nou is daar nog net 'n stollen wat wag.  En dalk panforte.  Grootskaalse opwinding. 

1 comments: