Nov 7, 2010

fettucine met pancetta en artisjok

Die laaste paar dae het laat nagte tot gevolg gehad, en vandag begin als later as wat dit moet.  Ek sit uiteindelik die heel oggend en werk in my slaapklere, en teen 12h00 het geen stort my al gesien nie.  Ek lees artikels vir my M, soek artikels wat my arme eerstejaartjies kan lees vir hul eksamen, en werk 'n memorandum uit vir die arme tutors wat my gaan moet help merk aan die 350 vraestelle.  Teen 12h00 is ek rasend honger.  Uit Patricia Wells se Trattoria, wat wonderlik unassuming lyk maar 'n skatkis van heerlikheid is, maak ek pasta.  Vars fettucine word gekook en dan gedompel in 'n pan waarin jy kersietamaties in baie olyfolie gebraai het, saam met 'n halwe handvol pancetta*, in klein stukkies gesny. Ook gemarineerde stukkies artisjok, myne sommer oorblyfsels van die vorige aand se artisjokaandete.  Ek rasper parmesaan oor, en eet terwyl ek verder lees oor Heidegger se konsep van die Syn. 


*Wells se resep vra vir proscuitto en nie pancetta, maar aangesien ek laasgenoemde in die rondte gehad het het ek dit gebruik.

1 comments:

wild roses grow said...

Nothing wrong with being in your pj's until noon.. Especially if you feed yourself artichoke fettucine with parmesan! Good luck with all your studies(and remember to keep refueling :)