Oct 28, 2010

ricotta gnocchi met prei confit


J is siek, in die bed met 'n dowwe kop en 'n seer lyf. As ek kon het nou vir hom sagte balletjies ricotta gnocchi gerol, met die krummelrige kaas en fyn parmesaan en nog fyner semolina. Ek sou dit kook vir slegs 'n minuut of so, totdat die bondeltjies uitpof en na die oppervlak dryf. Intussen braai ek 'n bossie fyngekapte preie in botter al vir die laaste twintig minute, saggies sissend soos wat hul karameliseer en al meer intiem vertroud raak met mekaar. Ek skep die gnocchi in 'n vlak sopbord, die geurige prei confit bo-oor, en dra dit kamer toe, sustenance vir die sieke.

Ns: En indien ek wel Florence Nightingale kon speel vir my beminde, sou die resep uit The River Café Italian Cookbook gebruik word, aangesien ek soms al ander ricotta gnocchi resepte gemaak het wat so taai was jy kon iemand daarmee doodgooi.

1 comments:

jvdh said...

En vandag voel ek beter, terwyl jy weer olik is.