Jan 19, 2010

Zuni-hoender

Die Zuni-hoender se beginsel is eenvoudig – sout 'n hoender deeglik in drie dae voor jy hom wil gaar maak (laat los obviously in die yskas, behalwe as jy 'n besondere penchant het vir voedselvergiftiging), en maak dan gaar teen die hoogste temperatuur wat jy uit jou oond uit kan dwing. Die resultaat, volgens die voorstaanders van hierdie metode, is 'n hoender waarvan die vel beautifully bros en bruin is, maar die vleis nog heerlik sappig. Wat waar is. Hul noem net nie die paar keer wat jou kombuis amper aan die brand slaan as die vette van die oorywerige hoendertjie op die element drip en daar allerlei gille van “O, bliksem!”* uit die kok (in die geval, ek) se mond weergalm deur die woonstel nie, met 'n mede-kok wat stilweg sit en lag in die eetkamer, terwyl vlamme in die oond herinner aan 'n oordeelsdag avec poulet.

(Die hoender was wel baie lekker, en was aandete op dag een.)

*'n Slegte gewoonte wat ek by my ma aangeleer het. Dit moet dalk genoem word dat sy nooit vloek buite die kombuis nie.




1 comments:

Marie said...

Dit is besonders en bowenal evenly bruin.

I always roast chicken at the highest my oven and the chicken can stand. It astonishes me that the meat stays moist, but it does. I do not have the Three Day Patience, though. You are a woman of substance.