Nov 27, 2009

kolwyntjies

Mieta en haar ma kom oor vir tee, ek staan vroegoggend nà die Boeremark in die stil woonstel en bak kolwyntjies. Daar is iets vertroostend aan koek bak, dink ek, maar die vertroosting word verruim met 'n goeie dosis opgewondenheid as dit by die bak van kolwyntjies kom. Die cute papierdoppies, die feit dat daar so baie klein koekies uit die oond kom, die vreugde wat in die versiering lê. Hierdie keer is myne 'n baie dense en donker sjokoladekolwyntjie, beslis my nuwe go to-resep vir sjokoladekoek. Met die son nog nie heeltemal uit nie maak ek die versiersuiker aan met botter en baie kakao, 'n lekseltjie room. Goue balletjies op elke donker beaut.

0 comments: