Nov 26, 2009

flatbreads met hoender en pistachio

Vir lank het ek hierdie resep, 'n resep van Ana Sortun, in my visier gehad, maar die eindelose hoeveelheid stappe het gemaak dat ek dit bly uitstel het. In teorie, besef ek, is dit 'n taamlik eenvoudige affêre, mits jy 'n voedselverwerker het. Helaas, het ek nie. Maar die finicky proses was uiteindelik in die resultate die moeite werd. Eers maak jy tortillas, omdat mense in Pretoria dink lavash is 'n Franse term vir bad, en nie 'n Midde-Oosterse flatbread nie. Dan rooster jy 'n rooirissie onder die grill, skil hom af, en stamp fyn met 'n mortar en pestle. 'n Halwe handvol pistachios word in 'n droë pan gerooster en ook fyngestamp. Dan strip jy twee van gisteraand se geroosterde hoenderdytjies van hul vleis, en stamp dié ook fyn (Ja, mens werk vir hierdie maaltyd). Dit word dan als gemeng met fyngestampte groenuie, za'atar, sumac, en 'n bietjie room - die sumac verrig wondere hier. Smeer als op die tortillas, en sit in 'n vuurwarm oond.

Daarmee saam eet jy nog 'n heerlikheid - smoked aubergine crush, oorspronklik 'n resep van Mehernosh Mody . (Soos met The Wednesday Chef, waar ek die resep raakgelees het, was die blote naam genoeg om my te oorreed om so gou as moontlik die huis te verlaat op soek na 'n eiervrug). Eerstens rooster jy 'n eiervrug, skep al die sagte pulp uit die vel. Intussen braai jy mosterdsaadjies, rissies, gemmer en borrie in bietjie olyfolie, saam met 'n ui. Ek het geen gewone uie in die huis oorgehad nie, en gebruik toe eerder die laaste van my red onion relish, en die soeterige smakie was uiteindelik wonderlik - ek sal die gebruik van gekarameliseerde uie aanbeveel. Gooi die verpulpte eiervrug in die pan, en voeg klappermelk by, en 'n tikkie suurlemoensap. Die eindresultaat, moet ek jul waarsku, lyk alteveel soos die inhoud van 'n vuil doek. Maar looks is nie alles nie, en die kombinasie van die flatbreads met die eiervrug en 'n bietjie Griekse jogurt, is amper genoeg om my die koop van 'n voedselverwerker te laat oorweeg.

1 comments:

Jeanne said...

Ek is geskok - bedoel jy lavash is NIE die franse woord vir bad nie?

;-)

Dit klink wonderlik - al daai geure en smake saam. Mmmmmm.