Mar 1, 2009

ricotta

Winderig vandag; die strate hier is verlate en ek staan voor die stoof besig om ricotta te maak. Vroeg vanoggend uit Die Kollega se huis gesluip terwyl die res van die huis nog slaap, en toe in die middestad rondgery op soek na ’n materiaalwinkel wat op ’n Sondag oop is. Uiteindelik een gekry, en kaasdoek aangeskaf. Hul het geen ongekleurde kaasdoek gehad nie, en dus sit ek hier met ’n stukkie blou kaasdoek wat ek maar hoop nie ’n Bridget Jones op my sal trek en my ricotta blou kleur nie. Die resep is eenvoudig – kook ’n liter melk en ’n koppie karringmelk saam totdat die stremsel van die wei geskei het (is dit net ek of klink die Afrikaanse terminologie hier effe obseen?), skep dan die stremsel af en plaas dit in ’n vergiettes wat met ’n paar lae (blou) kaasdoek uitgevoer is. Sal later laat weet hoe dinge uitgedraai het. Here’s hoping.


Update: Moehahahaha. Dit is perfek! 'n Skeutjie suurlemoensap en 'n knypie sout bygevoeg, en - dit is beautifully wit. Bridget Jones, eat your heart out.


4 comments:

Marie said...

Fantasties.

And never heard the Afrikaans terminology for cheese making before.

Nou gaan ek ook try.

[captcha is gurmante - seems right]

The Electric Orchid Hunter said...

Klink na 'n wonderlike dag. Nou moet jy jou eie feta ook maak.

Het gister gaste genooi vir ete: 'n slaai van watercress, avokado en blood oranges; volgraan penne met hoender, tamaties, olywe, okkerneute en basiliekruidpesto; en tuisgebakte malvapoeding vir nagereg!

Marie said...

Het die EOH 'n resep vir feta?

jvdh said...

Ons het op 'n stadium by die huis kaas gemaak, ook feta. Maar dit was die hele storie van groot potte melk op die stoof teen liggaamstemperatuur, rennien wat ingeroer word. Wanneer die stremsel en wei skei, sny mens dit in blokkies met 'n lang mes en skep die wei af. Dit honde love dit (die wei).

Dan kaasdoek, stremsel, alles saamgepers. Ek glo my pa het 4 duim blou waterpyp in stukke gesny, met gate ingeboor vir dreinering. Die vars kaas word daarin gepers vir 'n ruk, ek dink oornag. Die volgende dag is die aansienlik meer soliede blok na die soutwater verskuif.

Resultate was effens onvoorspelbaar, soms krummelrig, soms meer rubberig, maar die proses bly betowerend.

Eendag sal dit weer gebeur.

Intussen kyk maar na The Country Kitchen Cookbook - Jocasta Innes was verantwoordelik vir vele van ons kombuis avonture, en 'n groot bron in ons kaas-avonture